(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 151

॥ శ్రీః ॥
1.151. అధ్యాయః 151
Mahabharata - Adi Parva - Chapter Topics
యౌవరాజ్యే యుధిష్ఠిరస్యాభిషేకః॥ 1 ॥
భీమసేనస్య బలరామాద్గదాయుద్ధశిక్షణం॥ 2 ॥
ద్రోణేనార్జునస్య బ్రహ్మశిరోస్త్రవిషయే నియమకథనం॥ 3 ॥
భీమార్జునదిగ్విజయేన ధృతరాష్ట్రచింతా॥ 4 ॥
Mahabharata - Adi Parva - Chapter Text
వైశంపాయన ఉవాచ। 1-151-0x(894)(6875)
`ధృతరాష్ట్రస్తు రాజంద్రే యదా కౌరవనందనం।
యుధిష్ఠిరం విజానన్వై సమర్థం రాజ్యరక్షణే॥ 1-151-1(6876)
యౌవరాజ్యాభిషేకార్థమమంత్రయత మంత్రిభిః।
తే తు బుద్ధ్వాన్వతప్యంత ధృతరాష్ట్రాత్మజాస్తదా॥ 1-151-2(6877)
తతః సంవత్సరస్యాంతే యౌవరాజ్యాయ పార్థివ।
స్థాపితో ధృతరాష్ట్రేణ పాండుపుత్రో యుధిష్ఠిరః॥ 1-151-3(6878)
తతోఽదీర్ఘేణ కాలేన కుంతీపుత్రో యుధిష్ఠిరః।
పితురంతర్దధే కీర్తిం శీలవృత్తసమాధిభిః॥ 1-151-4(6879)
అసియుద్ధే గదాయుద్ధే రథయుద్ధే చ పాండవః।
సంకర్షణాదశిక్షద్వై శశ్వచ్ఛిక్షాం వృకోదరః॥ 1-151-5(6880)
సమాప్తశిక్షో భీమస్తు ద్యుమత్సేనసమో బలే।
పరాక్రమేణ సంపన్నో భ్రాతౄణామచరద్వశే॥ 1-151-6(6881)
ప్రగాఢదృఢముష్టిత్వే లాఘవే వేధనే తథా।
క్షురనారాచభల్లానాం విపాఠానాం చ తత్త్వవిత్॥ 1-151-7(6882)
ఋజువక్రవిశాలానాం ప్రయోక్తా ఫాల్గునోఽభవత్।
లాఘవే సౌష్ఠవే చైవ నాన్యః కశ్చన విద్యతే॥ 1-151-8(6883)
బీభత్సుసదృశో లోక ఇతి ద్రోణో వ్యవస్థితః।
తతోఽబ్రవీద్గుడాకేశం ద్రోణః కౌరవసంసది॥ 1-151-9(6884)
అగస్త్యస్య ధనుర్వేదే శిష్యో మమ గురుః పురా।
అగ్నివేశ్య ఇతి ఖ్యాతస్తస్య శిష్యోఽస్మి భారత॥ 1-151-10(6885)
తీర్థాత్తీర్థం గమయితుమహమేతత్సముద్యతః।
తపసా యన్మయా ప్రాప్తమమోఘమశనిప్రభం॥ 1-151-11(6886)
అస్త్రం బ్రహ్మశిరో నామ యద్దహేత్పృథివీమపి।
దదతా గురుణా చోక్తం న మనుష్యేష్విదంత్వయా॥ 1-151-12(6887)
భారద్వాజ విమోక్తవ్యమల్పవీర్యేషు సంయుగే।
యద్యదంతర్హితం భూతం కించిద్యుద్ధ్యేత్త్వయా సహ॥ 1-151-13(6888)
మహాతేజస్త్వమేతేన హన్యాః శస్త్రేణ సంయుగే।
త్వయా ప్రాప్తమిదం వీర దివ్యం నాన్యోఽర్హతి త్విదం॥ 1-151-14(6889)
సమయస్తు త్వయా రక్ష్యో మునిసృష్టో విశాంపతే।
ఆచార్యదక్షిణాం దేహి జ్ఞాతిగ్రామస్య పశ్యతః॥ 1-151-15(6890)
దదానీతి ప్రతిజ్ఞాతే ఫాల్గునేనాబ్రవీద్గురుః।
యుద్ధేఽహం ప్రతియోద్ధవ్యో యుధ్యమానస్త్వయాఽనఘ॥ 1-151-16(6891)
తథేతి చ ప్రతిజ్ఞాయ ద్రోణాయ కురుపుంగవః।
ఉపసంగృహ్య చరణావుపతస్థే వినీతవత్॥ 1-151-17(6892)
ద్రోణో జగాద వచనం సమాలింగ్య తు ఫాల్గునం।
యన్మయోక్తం పురా పార్థ తవ లోకే నరం క్వచిత్॥ 1-151-18(6893)
సదృశం కారయే నైవ సర్వప్రహరణే యుధి।
తత్కృతం చ మయా సంయక్తవ తుల్యో న వర్తతే॥ 1-151-19(6894)
దేవా యుధి న శక్తాస్త్వాం యోద్ధుం దైత్యా న దానవాః।
నాహం త్వత్తో విశిష్టోఽస్మి కిం పునర్మానవా రణే॥ 1-151-20(6895)
ఏకస్తవాధికో లోకే యో హి వృష్ణికులోద్భవః।
కృష్ణః కమలపత్రాక్షః కంసకాలియసూదనః॥ 1-151-21(6896)
స జేతా సర్వలోకానాం సర్వప్రహరణాయుధః।
నైతావతా తే పార్థాహం భవాంయనృతవాగిహ॥ 1-151-22(6897)
తదధీనం జగత్సర్వం తత్ప్రలీనం తదుద్భవం।
తత్పదం న విజానంతి బ్రహ్మేశానాదయోఽపి వా॥ 1-151-23(6898)
తన్నాభిప్రభవో బ్రహ్మా సర్వభూతాని నిర్మమే।
స ఏవ కర్తా భోక్తా చ సంహర్తా చ జగన్మయం॥ 1-151-24(6899)
స ఏవ భూతం భవ్యం చ భవచ్చ పురుషః పరః।
నిత్యః సర్వగతః స్థాణురచలోఽయం సనాతనః॥ 1-151-25(6900)
ప్రాదుర్భవతి యోగాత్మా పాలనార్థం స లీలయా।
తత్తుల్యో హి న జాయేత న జాతో న జనిష్యతే॥ 1-151-26(6901)
స హి మాతులజోఽభూత్తే చరాచరగురుః పితా।
కో హి తం జేతుమీహేత జానన్నాత్మహితం నరః॥ 1-151-27(6902)
శ్యాలశ్చ తే సఖా చాసౌ తస్య త్వం ప్రాణవల్లభః।
స్నేహమభ్యధికం తస్య తవ సఖ్యమవస్థితం॥ 1-151-28(6903)
న తేన భవతో యుద్ధం భవితా నర్మతోఽపి వా।
అపిచార్థే తవ పురా శక్రేణ కిల చోదితః॥ 1-151-29(6904)
గోకులే వర్ధమానస్తు నందగోపస్య కారణాత్।
మమాంశః పాండవో లోకే పృథివ్యాం పురుషోత్తమః॥ 1-151-30(6905)
కౌంతేయావరజః శ్రీమానర్జునో నామ వీర్యవాన్।
భువో భారాపహరణే సాహాయ్యం తే కరిష్యతి॥ 1-151-31(6906)
తదర్థమభయం దేహి పాహి చాస్మత్కృతే ప్రభో।
ఇత్యుక్తః పుండరీకాక్షస్తదా శక్రేణ ఫల్గున॥ 1-151-32(6907)
తమువాచ తతః శ్రీమాఞ్శంఖచక్రగదాధరః।
జానామి పాండవే వంశే జాతం పార్థం పితృష్వసుః॥ 1-151-33(6908)
పుత్రం పరమధర్మిష్ఠం సర్వశస్త్రభృతాం వరం।
పాలయామి త్వదంశం తం సర్వలోకమహాభుజం॥ 1-151-34(6909)
ఆవయోః సఖ్యసదృశం న చ లోకే భవిష్యతి।
యస్తద్భక్తః సమద్భక్తో యస్తం ద్వేష్టి స మామపి॥ 1-151-35(6910)
యన్మే విత్తం తు తత్తస్య తం వినాహం న జీవయే।
ఇతి పార్థ పురా శక్రమాహ సర్వేశ్వరో హరిః॥ 1-151-36(6911)
తస్మాత్తవాపి సదృశస్తం వినాభ్యధికః పుమాన్।
న చేహ భవితా లోకే తమేవ శరణం వ్రజ॥ 1-151-37(6912)
శరణ్యః సర్వభూతానాం దేవదేవో జనార్దనః॥' 1-151-38(6913)
వైశంపాయన ఉవాచ। 1-151-39x(895)
తథేతి చ ప్రతిజ్ఞాయ ద్రోణాయ కురుపుంగవః।
ఉపసంగృహ్య చరణౌ యుధిష్ఠిరవశోఽభవత్॥ 1-151-39(6914)
స్వభావాదగమచ్ఛబ్దో మహీం సాగరమేఖలాం।
అర్జునస్య సమో లోకే నాస్తి కశ్చిద్ధనుర్ధరః॥ 1-151-40(6915)
గదాయుద్ధేఽసియుద్ధే చ రథయుద్ధే చ పాండవః।
పారగశ్చ ధనుర్యుద్ధే బభూవాథ ధనంజయః॥ 1-151-41(6916)
నీతిమాన్సకలాం నీతిం విబుధాధిపతేస్తదా।
`అస్త్రే శస్త్రే చ శాస్త్రే చ రథనాగాశ్వకర్మణి।'
అవాప్య సహదేవోఽపి భ్రాతౄణాం వవృతే వశే॥ 1-151-42(6917)
ద్రోణేనైవం వినీతశ్చ భ్రాతౄణాం నకులః ప్రియః।
చిత్రయోధీ సమాఖ్యాతో బభూవాతిరథోదితః॥ 1-151-43(6918)
త్రివర్షకృతయజ్ఞస్తు గంధర్వాణాముపప్లవే।
అర్జునప్రముఖైః పార్థైః సౌవీరః సమరే హతః॥ 1-151-44(6919)
న శశాక వశే కర్తుం యం పాండురపి వీర్యవాన్।
సోఽర్జునేన వశం నీతో రాజాసీద్యవనాధిపః॥ 1-151-45(6920)
అతీవ బలసంపన్నః సదా మాని కురూన్ప్రతి।
విపులో నామ సౌవీరః శస్తః పార్థేన ధీమతా॥ 1-151-46(6921)
దత్తామిత్ర ఇతి ఖ్యాతం సంగ్రామే కృతనిశ్చయం।
సుమిత్రం నామ సౌవీరమర్జునోఽదమయచ్ఛరైః॥ 1-151-47(6922)
భీమసేనసహాయశ్చ రథానామయుతం చ సః।
అర్జునః సమరే ప్రాచ్యాన్సర్వానేకరథోఽజయత్॥ 1-151-48(6923)
తథైవైకరథో గత్వా దక్షిణామజయద్దిశం।
ధనౌఘం ప్రాపయామాస కురురాష్ట్రం ధనంజయః॥ 1-151-49(6924)
`యతః పంచదశే వర్షే సర్వమేతచ్చకార సః।
తం దృష్ట్వా ధార్తరాష్ట్రాణాం తతో భయమజాయత॥ 1-151-50(6925)
యః సర్వాంధృతరాష్ట్రస్య పుత్రాన్విప్రచకార హ।
భీమసేనో మహాబాహుర్బలాద్బలవతాం వరః॥ 1-151-51(6926)
అదుష్టభావం తం దోషైర్జగృహుర్దోషబుద్ధయః।
ధార్తరాష్ట్రాస్తథా సర్వే భయాద్భీమస్య కర్మణా॥ 1-151-52(6927)
తం దృష్ట్వా కర్మభిః పార్థాన్సర్వానాగతలక్షణాన్।
బలాద్బహుగుణాంస్తేభ్యో బిభియుర్దోషబుద్ధయః॥' 1-151-53(6928)
ఏవం సర్వే మహాత్మానః పాండవా మనుజోత్తమాః।
పరరాష్ట్రాణి నిర్జిత్య స్వరాష్ట్రం వవృధుః పురా॥ 1-151-54(6929)
తతో బలమతిఖ్యాతం విజ్ఞాయ దృఢధన్వినాం।
దూషితః సహసా భావో ధృతరాష్ట్రస్య పాండుషు।
స చింతాపరమో రాజా న నిద్రామలభన్నిశి॥ ॥ 1-151-55(6930)

ఇతి శ్రీమన్మహాభారతే ఆదిపర్వణి సంభవపర్వణి ఏకపంచాశదధికశతతమోఽధ్యాయః॥ 151 ॥

Mahabharata - Adi Parva - Chapter Footnotes
1-151-9 గుడాకా నిద్రా తస్యా ఈశమర్జునం జితనిద్రం, గుడా స్నుహీ తద్వత్కేశా యస్య॥
1-151-11 తీర్థాత్పాత్రాంతరం గమయితుం సంప్రదాయావిచ్ఛేదార్థమిత్యర్థః॥
1-151-14 త్వయా గ్రాహాన్మాం మోచయతా ప్రాప్తం ప్రాగేవ॥
1-151-28 తస్య త్వయీతి శేషః। తవ తస్మిన్నితి శేషః॥
1-151-35 తస్య మమ చ॥
1-151-42 విబుధాధిపతేరుద్ధవాత్॥
1-151-43 వినీతః శిక్షితః। అతిరథేషూదితః ఖ్యాతః॥
1-151-44 గంధర్వోపప్లవేఽపి యస్య సౌవీరస్య యజ్ఞో న విప్లుత ఇత్యయోధ్యత్వముక్తం॥
1-151-46 శస్తో హింసితః॥ 1-151-53 బిభియుః బిభ్యుః॥
1-151-54 వవృధుర్వర్ధితవంతః॥
ఏకపంచాశదధికశతతమోఽధ్యాయః॥ 151 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.